paarthu

 

நாம் இணைந்திருந்த பொழுது சன்னலின் வெளியே பெய்த மழையோசையை
இன்றைய மழையோசையுடன் என் மனம் ஒப்பிடாமல் பார்த்துக் கொள்கிறேன்.

நாம் நடந்து வந்த பாதையில் இருந்த தெருவோர குழந்தைகள் சிரிக்கையில்
என் உதடுகள் என்னையறியாமல் சிரிக்காமல் பார்த்துக் கொள்கிறேன்.

நாம் சேர்ந்து சென்ற இடங்கள் என் பாதையில் என்றும் குறுக்கிடாமல்
பார்த்துக் கொள்கிறேன்.

நாம் அந்தப் பூங்காவில் நட்டு வைத்த சின்னச் செடி இன்று மரமான பின் கூட
அதன் வேர்கள் தாகத்தில் தவிக்காமல் பார்த்துக் கொள்கிறேன்.

அன்றும் இன்றும் என்றும் பல நேரங்களில்
சில பெண்களால்.. சில வற்புறுத்தல்களால்
மனம் சலனமடையாமல்
.
.
.
.
பார்த்துக் கொள்கிறேன்

Advertisements